‘A ricetta ‘e Napule

Pigliate na duzzina ‘e ragge ‘e sole

na vranca ‘e stell’ ‘argiento int’ a ll’està

duje pizzeche ’ e passione e de ricorde

… nu pùnio ’e luna chiena quann’ è ssera;

sciuglite dint’ ‘o ppoco d’acqua ’e mare

mmìscatece na ponta ‘e sentimento

nu vaso a ppezzechillo e na canzone

… na spulverata ‘e rose e de viole;

cunnìtela cu ‘e vierze ‘e nu pueta

accunciatel’ ’e suonne ‘e fantasia

scarfatel’ all’ amore ‘e na sirena

…guarnite cu na strisci’ ‘arcubbaleno.

Facite arrepusà e …po’ servite!