‘O ppane

Sò ggocce d’oro chist’àcene ‘e grano,

prete prezziose ammullate ‘e suròre

e, quanno d’’o ppane sente ll’addore,

è allero ‘o pacchiano e pure ‘o luciano!

Addunucchiate, si ‘e spiche sò cchiene,

vasano ‘a terra che ll’ha generate;

buriose e ttèseche stanno chell’ate,

chelle vacante pecchè nun sò prène!

Tènnero è ‘o ppane pe chi s’’o ffatica,

pàsten’ ‘o ggrano spaccannese ‘e mmane

pure cu ‘a pioggia che spisso è nemica!

Nun c’è richezza che le pò sta a pparo,

nun ce na cosa cchiù santa d’’o ppane

che, mmiez’o’ bbene… è ‘o bene cchiù caro!